Ein samproduksjon mellom Festspillene i Bergen og Bergen Nasjonale Opera m/Musikkselskapet Harmonien og Edvard Grieg Korene, Den Norske Opera & Ballett, Trondheim Symfoniorkester & Opera og Den Nationale Scene.
Lørdag 6. juni 2026 Søndag 7. juni 2026 Kl. 15:00 Mandag 8. juni 2026 Tirsdag 9. juni 2026 Kl. 18:00
ORDFØRAREN OG INVESTORANE VIL HOGGE NED DEN GAMLE EIKESKOGEN FOR Å BYGGJA HYTTER. UNGDOMMANE CIRIL OG NOAH TEK OPP KAMPEN FOR Å REDDA SKOGEN OG ALLE SOM BUR DER.
Urpremiere på Festspillene!
Nattfolket er ein humoristisk og leiken opera som blandar ei rekkje stilartar og referansar både frå operahistoria – som Mozarts Tryllefløyten og Bizets Carmen – i tillegg til kjende norske barnesongar, popmusikk, samtidsmusikk og rytmiske sprell. Historia er alvorleg og humoristisk på same tid – det er rett og slett ein fugleopera som talar naturen si sak.
Bygda Indre Kluredal er delt i to: Det lokale sentrumet med rådhus, og ein gammal eikeskog der Nattfolket – nokre fugleaktige, menneskeliknande vesen – lever i eit slags magisk univers. Alle i Nattfolket elskar å syngja og å herma etter lyd. Dei er sky og likar ting frå gamle dagar. Få veit at dei finst.
Ordføraren i Indre Kluredal, skogeigaren Kjell, kjem i konflikt med Nattfolket. Dei vil miste livet sitt dersom eikeskogen vert flathogd for å gje plass til det nye hyttefeltet og naturparken Kjell vil byggje. Den einaste motkrafta Nattfolket har, er at dei har ei heks som kan ta songstemma frå folk, slik at livet vert trist for menneska.
Noah og Ciril må henta hjelp frå sjølvaste dronninga i hovudstaden. Og ho er klar som eit egg til å bidra – ho vil vera ei folkedronning!
Nattfolket er ein eventyrleg familieopera for alle frå 8 år og oppover. Operaen handlar enkelt sagt om avskoging og behovet for å ta vare på naturen – ei velkjend tematikk i dagens Noreg - samstundeshandlar den også om gleda ved det å synga!
Musikere fra Bergen Filharmoniske Orkester Edvard Grieg Vokalensemble Sangere fra Edvard Grieg Jentekor Sangere fra Edvard Grieg Guttekor
Synges på norsk, tekstes på norsk Varigheit 75 minutter, utan pause Urpremiere lørdag 6. juni 2026 kl. 15 Spelast også 7. juni kl 15, 8. og 9. juni kl. 18
Ein samproduksjon mellom Festspillene i Bergen og Bergen Nasjonale Opera m/Musikkselskapet Harmonien og Edvard Grieg Korene, Den Norske Opera & Ballett, Trondheim Symfoniorkester & Opera og Den Nationale Scene.
Framsyninga er gjort mogleg med generøs støtte frå Stiftelsen Abraham Odfjell.
